ചാവക്കാട്:കൺസോൾ മെഡിക്കൽ ചാരിറ്റബിൾ ട്രസ്റ്റ്‌, നിർധനരായ വൃക്കരോഗികൾക്ക് നൽകുന്ന ഡയാലിസിസ് കൂപ്പൺ വിതരണവും സാന്ത്വന സംഗമവും ചാവക്കാട് സബ് ജയിൽ സുപ്രണ്ട്: എം.വി. തോമസ് ഉദ്ഘാടനം ചെയ്‌തു. ചടങ്ങിൽ മുഖ്യ അതിഥിയായി ഷാർജ ലീഗൽ കൺസൾട്ടന്റ് ടി.ബി. അലി പാലപ്പെട്ടി പങ്കെടുത്തു.
ജനറൽ സെക്രട്ടറി ജമാൽ താമരത്ത് സ്വാഗതം ആശംസിച്ചു.കൺസോളിന്റെ പുതിയ സംരംഭമായ കൺസോൾ സെന്ററിന്റെ ഭാവി പ്രവർത്തനങ്ങളെ കുറിച്ച് കൺസോൾ പ്രസിഡന്റ്‌ എം.കെ.നൗഷാദ് അലി വിവരണം നൽകി.
കൺസോൾ ഖത്തർ ചാപ്റ്റർ വൈസ് പ്രസിഡന്റ്‌: ഷാജി ആലിൽ,ഗ്ലോബൽ കോ-ഓർഡിനേറ്റർ: സി.കെ. ഹക്കീം ഇമ്പാർക്ക്, കൺസോൾ മെഡിക്കൽ ചാരിറ്റബിൾ ട്രസ്റ്റ്‌ ഭാരവാഹികളായ അഡ്വക്കറ്റ് ശറഫുദ്ധീൻ,കെ.ശംസുദ്ധീൻ,വി.എം.സുകുമാരൻ മാസ്റ്റർ,സി.എം. ജനീഷ്,
അബ്ദുൽ ലത്തീഫ് അമ്മേൻങ്ങര,കെ.എം. റഹ്മത്തലി, എന്നിവർ ആശംസകൾ നേർന്നു പ്രസംഗിച്ചു.ട്രഷറർ: പി.വി. അബ്ദു മാഷ് നന്ദി പറഞ്ഞു.
